MASHT: 90% e nxënësve po ndjekin mësimin online

13:13 | 20 Prill 2020
Arbresh.info

Pasaporta mësimore është prezantuar sot në një konferencë për medie nga kryeministri detyrë Albin Kurti, bashkë me shefin e Zyrës së UNICEF, Murat Sahin dhe zëvendësministrin e Arsimit, Shkencës, Teknologjisë dhe Inovacionit, Xhavit Rexhaj.

E ky i fundit ka folur edhe zhvillimin  e mësimit online në distancë për shkak të Covid 19, shkruan arbresh.info.

Rexhaj ka thënë se deri tani janë prodhuar mbi 1 mijë e 500 materiale.

Ai ka shtuar se pjesëmarrja e nxënësve është 90%.

“Tash e disa javë po punojmë me mësimin ne distancë, kemi prodhuar mbi 1 mijë e 500 videomateriale për klasat 1-9, me mijëra aktivitete mësimore po zhvillohen në shkollat e mesme dhe pjesëmarrja e tyre është mbi 90%. Jemi duke trajtuar atë 10% që në të shumtën e rasteve janë komunitete në gjendje jo të mirë”, shtoi ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm